काठमाडौं प्रशासनले भूकम्पपछि प्रभावित क्षेत्रमा विभिन्न रोग फैलिन सक्ने भएकाले ती संवेदनशील क्षेत्रमा माछामासु विक्रि नगर्न आव्हान गरेको छ । संक्रमण फैलिन सक्ने भएकाले सर्वसाधारणलाई माछामासु बिक्रि वितरण नगर्न अपिल गरिएको काठमाडौंका सहायक प्रमुख जिल्ला अधिकारी सुरेन्द्र पौडेलले बताउनुभयो । त्यस्तै, प्रशासनले अहिलेको विपद्को अवस्थामा उद्योगी, व्यापारी, यातायात व्यवसायीलाई आफ्नो पसल, गोदाम, औषधि पसल र सवारी साधन चलाउन र आफ्नो पेशामा फर्कन आग्रह गरेको छ ।
सहज जीवनयापनको वातावरण बनाउन समेत प्रशासनले आग्रह गरेको छ । काठमाडौं जिल्ला प्रशासनले कालोबजारी गर्ने, सिण्डिकेट लागू गर्ने, सामान लुकाउने र बढी भाडा लिने जस्ता गैरकानूनी काम रोक्न आव्हान गरेको छ । गैरकानूनी कार्य रोक्न अनुगमन भइरहेकाले कसैले त्यस्ता काम गरेको थाहा भए जानकारी गराउन समेत आग्रह गरिएको छ ।
0 comments:
Post a Comment